Ledige stillingar
Seljar
Vil du vere med på å halde Noreg kaldt? ❄️
Fresvik Produkt AS søkjer ein offensiv og relasjonsbyggjande SELJAR
Er du ein meister på å byggje relasjonar? Har du teknisk innsikt og brenn for gode løysingar? Då er det kanskje akkurat deg vi leitar etter!
Sidan 1980 har vi i Fresvik Produkt vore i front når det gjeld isolasjonselement, dører og portar til kjøle- og fryserom. Som den einaste norske produsenten i marknaden, er vi stolte over å vere marknadsleiar innan alt frå storkjøkken og butikkar til skip og offshore. Vi leverer ikkje berre produkt – vi leverer skreddarsaum og kvalitet som toler kvardagen.
Kvifor velje oss?
Vi er ei solid hjørnesteinsbedrift med hovudkontor i vakre Fresvik i Sogn og salskontor i Drammen. Hos oss får du:
Tryggleik: Ein stabil arbeidsplass i ei bedrift med sunn økonomi (omsetnad over 70 mill.).
Kultur: Eit uformelt, inkluderande og godt arbeidsmiljø.
Vilkår: Gode forsikrings- og pensjonsordningar.
Kva skal du gjere?
Som seljar hos oss sit du ikkje berre bak ein pult. Du er vårt ansikt utad og skal:
Vere proaktiv og oppsøkje både nye og eksisterande kundar.
Vise fram løysingane våre på messer og utforske nye marknadar.
Fungere som rådgivar i tilbods- og prosjektfasar – vi sel løysingar, ikkje berre varer.
Jobbe tett med våre interne avdelingar for å utvikle framtidas produkt i samråd med kundane våre.
Kven er du?
Vi trur du kjenner deg att i dette:
Du elskar kundekontakt og er ein naturleg relasjonsbyggjar.
Du har teknisk forståing og blir gira av å finne den perfekte løysinga for kunden.
Du er strukturert, har god økonomisk forståing og trivst med å halde orden i prosessane.
Du har gode haldningar, er lærevillig og meistrar norsk flytande.
Arbeidsstad:
Drammen eller Fresvik - Du vel sjølv kvar du vil ha basen din!
Vi ønskjer snarleg tilsetjing, så ikkje vent med å sende oss ein søknad.
Søke på stillinga:
Send søknad til ts@personalhuset.no; Merk med “Seljar stilling”
Spørsmål om stillinga?
Thomas Skogheim, tel: 95 76 12 19
Bu og jobbe i Fresvik?
Ei aktiv jordbruksbygd, lun og vendt mot fjorden. Trygg og god oppvekst, lag og organisasjonar for ein kvar, musikkfestival, industri, og eit rikt friluftsliv. Velkomen til Fresvik.
Fresvik – ein god jobb og eit godt liv
27.09.2023
Vil du jobba på skulen, i barnehagen, på butikken eller hjå Fresvik Produkt? No har du sjansen til å få leva ut draumen om eit liv i den idylliske fjordbygda Fresvik.